Bobby Diary

離去

Bobby初初係因為行動愋慢，所以我地帶佢睇獸醫，因第二日情況嚴重，我地連續兩日都帶佢睇獸醫，但愛護動物協會兩個獸醫既疹斷結果都唔同，一個話傷了尾龍骨，一個話膝蓋有事，到第三日，Bobby不食不飲，更加無大小二便，還不時顫抖，我地找了之前一日個名獸醫查詢，佢話唔知Bobby咩事，更無提議我地替Bobby做任何Test，後來我地帶Bobby睇另一個私家獸醫，這個獸醫都唔知Bobby咩事，只說如果我地驚Bobby有生命危險，可以做Blood Test，結果發現Bobby有嚴重腎衰竭，有生命危險，要立即吊鹽水，因為這夜Bobby要留醫又沒有人看管，所以我地帶回Bobby去協會，協會既獸醫看完驗血報告，就說Bobby係慢性腎衰竭，要留醫吊鹽水，還說慢性同急性係同一種病，慢性發病時就是急性，我記得Bobby這晚精神還很好。

第四日，我地一早去到協會睇Bobby，Bobby精神明顯差了，但另一個鬼佬獸醫說Bobby精神幾好，助手更說換了被窩"應該"有小便，之後我地就安心回家。到下午三時半左右，協會來電說Bobby情況不妙，經X-Ray及超音波驗查後，發現有腹水，要立即做手術，還叫我地在家等消息，我地立即趕到協會等。手術後，鬼佬獸醫說因為膀胱有細裂縫但找不到，令到有腹尿，但點解膀胱裂就無找原因，只說我地令到Bobby膀胱裂。之後我地去看Bobby，當Bobby聽到我地把聲時，麻醉葯未過都要撐起身，我知佢好想返屋企。

第五日，我地更早到協會探Bobby，這日Bobby精神更差，而且身體水腫及氣喘，還曾嘔吐過些黑色物體，我地都有詢問過鬼佬獸醫，但協會的人只說"係咁架"，無解釋原因，後來驗血結果顯示Bobby無進展，到下午還提議我地"安樂死"，也可以吊多兩日鹽水，再看驗血結果，但只有10%會好轉，但唔擔保Bobby一定平安渡過這兩日。Bobby最開心就係話俾佢聽"我地返屋企啦"，佢留醫咁耐都係第一次擺尾咋。

最後，我地決定帶Bobby回家，我唔想Bobby孤伶伶咁走。回家後，首先我地同Bobby清潔身體，然後我地同Bobby講左好多好多以前既野，Bobby好似識聽咁，不時擺尾，後來我仲幫Bobby拔掉吊鹽水條管子，因為針得Bobby好痛，而且又可以令到Bobby行動自如，雖然佢唔係好行得，這晚Bobby既氣喘聲未停過。

第六日，我地做了一個心痛既決定。

Bobby走後，我睇了好多資料，我發現Bobby未必係慢性腎衰竭而係排尿系統阻塞，因而引發急性腎衰竭，這種急性腎衰竭不去到病因而延醫既話，最後會令到膀胱破裂和尿毒症。或者我地唔同Bobby做驗血，佢會走得舒服的。

Page 03