Bobby Diary

由來

其實Bobby真正既主人係我妹妹，Bobby係我妹妹既生日禮物。我記得91年10月頭某一晚，妹妹去街回來就捧著一個藤狗籠，裡面就載著Bobby，這次係我地第一次養狗，亦都可能係唯一一次。Bobby當時好細隻，整晚就睡在狗籠內。Bobby係係舊雀仔街買回來，原本個狗販係介紹另一隻俾我妹妹，而Bobby係俾狗販捉出來表演個隻，我妹妹見Bobby幾可愛又主動同佢玩，所以就揀左Bobby，而這個狗販就係專賣拉薩狗仔。

我好記得Bobby第一晚係屋企既情景，佢成晚"啍啍"聲未停過，俾狗餅佢又唔食，水又唔飲，攪到我同妹妹都無得訓，我地好驚佢有狗瘟，因為Bobby始終都係係街邊買回來，好彩佢只係怕陌生。第二日，我同佢係屋企玩，我拍手同叫佢"Bobby"，佢就會跑過來我處，好可愛呀，連怕狗既我都忍唔住要抱下佢，佢好細隻又肥都都，仲成日伸出舌頭好似同你笑咁，這晚佢就乖乖咁訓到天光。